LOKAL – Padayon nga ginatutukan ang kahimtangan sang mga pumuluyo nga nasunogan sa Barangay 8, Roxas City, ilabi na ang posibilidad nga makabaton sila sang bulig sa pagpabalay matapos ang sunog nga nagtabo sang nagligad nga bulan.
Sa interview sang Bombo Radyo kay Punong Barangay Castor Holce Bialen, Barangay VII, Roxas City, ginapangusisa ang kasamtangan nga sitwasyon sang mga apektado nga pamilya kag kon may yara na sang nagakaigo nga temporaryo ukon permanente nga puluy-an kag ang bulig para sa ila halin man sa local nga panguluhan.
Suno man kay Bialen, importante nga mahibaluan kon ano na ang mga tikang nga ginhimo sang lokal nga panguluhan kag sang nagkalain-lain nga ahensya agud mabuligan ang mga pumuluyo nga nadulaan sang puluy-an para batun na sila sang pabahay para makaumpisa na sila liwat mangabuhi sang tsakto.
Ginpangita man ang kasayuran kon may yara pa sang dugang nga bulig nga kinahanglan angmga pamilya, ilabi na sa pagkaon, panapton, materyales sa pagtukod liwat sang balay kag iban pa nga panguna nga kinahanglanon, bukas gid ang Barangay Officials para mab batun sang mga gina hatag para ma provide man sa mga nasunogan.
