Nagahupot na sang 2-0 nga abanse ang Indiana Pacers pagkatapos nga makuha ang Game 2 batok sa eastern conference team nga Cleveland Cavaliers, 120-119.
Ang Cavs nangin agresibo sa una nga quarter kag nakakuha sang 17-point nga abanse sa katapusan, 32-15.
Halin sa una nga quarter tubtob sa ika-3 nga quarter, ginpilit sang Pacers ang Cavs nga maglagas apang nakakuha lamang sang tatlo ka puntos sa katapusan sang ika-3 nga quarter.
Pagsulod sa ika-4 nga quarter, ginbag-o sang Pacers ang ila opensa kag napilitan nga panason ang 14-point deficit nga ginpangunahan ni Tyrese Haliburton.
Natigayon sang Pacers nga matapos ang score sa 119-112, 58 segundos antes matapos ang hampang.
Sa kapierdihan sang Cavs, nausik ang 48 puntos, 9 ka assists, kag lima ka rebounds ni Donovan Mitchell, upod ang 22 puntos kag 12 ka rebounds ni Jarrett Allen.
Anum ka mga humalampang sang Pacers ang naka-iskor sa doble nga numero, nga ginpangunahan ni Hali nga may 19 puntos, 9 ka rebounds, kag 4 ka assists.
Samtang, magasaylo naman sa homecourt sang Pacers ang hampang sa Game 3 kag Game 4.
