Wala na ginasapak pa ni Pinoy boxing icon Manny Pacquiao ang mga kritisimo batuk sa iya nga wala na ini sang ikasarang sa boxing.
Kasunod ini sang iya liwat nga pakig-sambuwa sa palaabuton nga Hulyo 19 kontra kay Mario Barrios para sa World Boxing Council (WBC) welterweight belt sa Las Vegas.
Ginsiling sini nga kibuton nya nalang ang mga nagapanuya sa iya pag-abot sang adlaw sang iya nga hampang bangud sa ini ang una niya nga professional fight sumugod sang ginlutos ini sya ni Yordenis Ugas sang Cuba sang 2021.
Hugot pa nga ginsiling sang 46-anyos nga si Pacquiao, nga indi lamang ini para sa iya nga kaugalingon ang amu nga pakig-sambuwa kundi para sa pungsod.
Luyag sini nga ipakita sa bilog nga kalibutan nga ang mga Filipino ang indi basta nga nagasuko.
