ROXAS CITY – Life must on! Ini ang nangin pahayag sang isa ka Capizeña nurse nga naba-se sa Jacksonville, Florida matapos magbilin sang malapnagon nga pagbaha ang bagyo Irma.
Sa interview sang Bombo Radyo Roxas kay Sheryl Fanuga sang Barangay Angub, Cuartero, Capiz, ginpahayag sini nga madamo sang mga lugar sa Jacksonville ang nagasuprer sang pagbaha rason nga nagapabilin sa mga shelters ang iban nga mga residente.
Apang sa iban naghubas na ang tubig baha, nagbinuligay sa pagpaninlo ang mga residente para makabalik na sila sa ila mga balay.
Aminado si Fanuga nga sa onse ka tuig sini nga pagtenir sa Amerika ini pa lamang ang una nga bes nga wala gilayon maghubas ang tubig baha sa pila ka mga lugar sa Jacksonville.
Sarado man tobtob sa karon ang mga commercial establishments kag nagpatuman sang curfew sa lugar sa diin tobtob sa 8 oclock lamang sang gabi mahimo makadrive magluwas kun sila ang nagatrabaho sa ospital, fire station kag police station
Nahibaluan nga madamo sang mga kaupdanan nga nurses si Fanuga nga wala nakasulod bangud ginsul-ob sang tubig baha ang ila mga balay.
Samtang labi nga naapektuhan sang bagyo Irma sa estado sang Florida amo ang Miami, Tampa at Gainesville.
