Ginpahalin sang Constitutional Court si Prime Minister Paetongtarn Shinawatra sa pwesto sang Biyernes, Agosto 29, bangud sa paglapas sa etika, pagkatapos sang isa ka tuig lang sa pwesto.
Si Paetongtarn, ang pinakabata nga Prime Minister sang Thailand kag anak sang anay PM nga si Thaksin Shinawatra. Si Paetongtarn, 39 anyos, amo ang pinakabata nga nangin Punong Ministro sang Thailand kag anak sang anay PM Thaksin Shinawatra. Siya na ang ika-anum ka lider nga nagikan ukon gin-suportahan sang Shinawatra family nga ginpahalin sa pwesto sang militar ukon sang korte sa sulod sang duha ka dekada.
Suno sa korte, si Paetongtarn ginaalegar nga naglapas sa etika pagkatapos sang isa ka nagguwa nga tawag sa telepono sang Hunyo, sa diin daw nagapakanubo siya sa anay lider sang Cambodia nga si Hun Sen sa tunga sang mga tensyon sa boarder sang duha ka pungsod.
Pila ka semana pagkatapos sang panawagan, nagluntad ang lima ka adlaw nga inaway sa boarder.
Bangod sa ruling, ang parliamento kinahanglan nga magpili sang bag-o nga prime minister. Samtang, si Deputy Prime Minister Phumtham Wechayachai kag ang karon nga gabinete ang una nga magapanguna sa gobyerno bilang isa ka caretaker.
Magluwas sini, ang nabilin nga kandidato gikan sa Pheu Thai Party amo si Chaikasem Nitisiri, kag anay attorney general. Apang, ini may manubo nga profile kag kulang sa eksperyensya sa gabinete.
Ang iban pa nga posible nga mga salili nagalakip kay Anutin Charnvirakul, anay deputy PM, kag Prayuth Chan-ocha, anay coup lider sang 2014, nga karon nagretiro na sa politika.
Bangud sa sini nga pagbago, naglala pa ang tensyon sa Thailand nga subong nagaatubang sa mabudlay nga ekonomiya kag kawad-an sang kasiguraduhan sa mga ginahandum nga reporma.
Suno sa mga analyst, mangin mabudlay para sa Pheu Thai nga magpabilin sa poder bangud manipis lang ang ila mayorya sa koalisyon.
