Kinahanglan pa sang approval sang plenaryo sang Kamara sa tion nga magpangayo sang kopya sang statements of assets, liabilities, and net worth sang mga congressmen nga gina-imbestigaran
may kaangtanan sa maanomaliya nga flood control projects.
Ini ginpahayag sang Office of the House Secretary General sa ombudsman investigators.
Suno kay Ombudsman Jesus Crispin “Boying” Remulla, masulat siya kay Speaker Faustino “Bojie” Dy III may kaangtanan sa procedures sa pagkuha sang SALNs sang mga myembro sang Kamara nga gina-imbestigaran may kaangtanan sa lapnagon nga kurapsyon nga nakaapekto sa flood control projects.
“Lately, our teams are having a hard time getting the SALNs of congressmen we are investigating… I’ve been told that it has to pass through plenary for them to release a SALN, and I don’t buy that excuse,” pahayag ni Remulla.
Dugang pa sang natungdan, indi niya mahangpan kun ngaa kinahanglan pa nga i-delay ang proseso sa pag-access sang SALN.
Ginkwestyon man ni Remulla ang pila ka mga empleyado sa Office of the Secretary General nga possible may issue sang conflict of interest bangud nagapati ini nga iban sa mga trabahador ang nakatrabaho na sa pila ka mga opisyal nga gina-imbestigaran subong.
“We’re just harboring suspicions that they may be protecting people, and I don’t want to believe it. Hopefully, they stop doing that because this is a very urgent matter for the country,” dugang pa niya.
