ROXAS CITY – Aminado si 1st District Board Member Pepe Del Rosario nga nagpamalabag ini sa pag-amyendar sa ordinansa sang scholarship program sang probinsya nga dumilian ang mga scholars nga magbaton sang mga financial assistance ukon cash grant nagikan sa pampubliko ukon pribado nga sektor.
Sa interview sang Bombo Radyo kay BM Pepe Del Rosario, ginpahayag sini nga nakit-an niya ang pagbakas sang mga estudyante sa pagpangita sang makabulig sa ila pag-eskwela bangud kulang ang P2,500 nga kantidad sa kada semester.
Dugang pa ni Del Rosario nga wala man ini maimbitahan sang nagsinapol ang mga kaupod niya nga mga board members antes paman aprubahan sang Sangguaniang Panlalawigan ang gin-amyendaran sa ordinansa.
Suno pa diri nga unfair sa mga scholars ang bag-o amyendar nga ordinansa kay kun may ara sang maghatag sa ila sang bulig pinansyal pagakakason sila bilang scholars sang provincial government.
