Nag-intra na ang Philippine National Police (PNP) sa pagpangita kay anay presidential spokesperson Harry Roque nga ginpaaresto matapos ma-cite in contempt sang quad committee sang Kamara de Representantes bangud napaslawana ini nga isumite ang mga dokumento kaangut sang iya manggad nga gin-angut sa operasyon sang iligal nga POGO.

Wala gintuman ni Roque ang promisa sini nga isumite ang mga dokumento, kag wala naman nagtambong sa hearing sang quad committee.

Sadtong Biyernes ginkadtuan sang otoridad ang law firm ni Roque sa Antel Corporation Centre sa Makati City agud iserbe ang arrest warrant apang wala ini ginbaton ang iya ng staff. Wala man nakita sa lugar si Roque.

Na-cite in contempt si Roque matapos nga wala makasumite sang kopya sang iya nga mga Statements of Assets, Liabilities, and Net Worth, rekord sang Biancham Holdings, nga panag-iya sang iya pamilya kag ang mga pamatuod sang baligyaanay sang propidad sa Parañaque City nga iya ginhambalnga ginhalinan sang hinali nga paglobo sang iya manggad.

Matapos ma-cite in contempt, nagpaguha sang arrest order ang komite batuk kay Roque.