PANAY, CAPIZ – Malapit na lang matapos ang pag-assemble sang Bailey bridge sa Barangay Agojo, Panay, Capiz.
Sa interview sang Bombo Radyo kay Panay Mayor Jonathan Besa, iya ginpahayag nga halos patapos na ang assembly sang mga materyales sang bailey bridge nga gilayon naman nga iga-pwesto sa nawasak nga tulay pinaagi sa crane.
Suno kay Besa, humalin sang nagligad nga semana, padayon ang pag-ubra sang mga katapo sang Department of Public Works and Highways (DPWH) sa bulig man sang Municipal Engineering Office kag local government unit sang Panay.
Pahayag pa niya, yara na sa 65% tubtob 70% ang accomplishment sang nasambit nga tulay .
Nagpanawagan man ang natungdan sang pag-intindi sa publiko bangud ginatinguhaan gid nga matapos angpagkaayo agud nga liwat na nga maagyan sang pumuluyo kag pila ka mga salakyan ang amo nga tulay.
INTERVIEWED BY: BOMBO ROADNIE DABAN DALANON
