Nagapati ang University of the Philippines (UP) College of Law Assistant Professor nga si Atty. Michael Tiu Jr nga isa ka ‘strategy’ sang defense team ang personal nga pagpakita ni former President Rodrigo Duterte sa International Criminal Court (ICC).
Matandaan nga anay presidente nag-atubang sa international tribunal sang Septyembre 16 para sa ikatlo nga status conference sang iya kaso crimes against humanity.
Suno kay Atty. Tiu Jr., posible nga kabahin ini sang lihok sang bag-o nga lead counsel agud maid-id nga mausisa sang mga ICC judges ang mental ukon cognitive status ni Duterte.
Mahimo man ini mangin pamaagi sang defense team nga mapamatud-an sa korte nga wala sa maayo nga mental condition ang anay presidente agud atubangon ukon intindihon ang trial nga magasugod sa Nobyembre 30.
Una na nga nagpininduga ang iya mga abogado nga ang anay presidente ang nagasuprer sang severe memory loss kun sa diin gakalipatan man sini ang mga pangalan sang iya kaugalingon nga legal counsels.
Ang pagpakita ni Duterte sa ICC ang pinakauna nga tion nga makita ini sang publiko humalin sang Marso 14, 2025 matapos nga nadakpan ini sa Pilipinas.
