Ginkumpirma sang provincial administrator ang pagdugang sang mga nurses sa Roxas Memorial Provincial Hospital, kasunod sa pagtaas sang kaso sang COVID-19 sa probinsiya.
Ginpahayag ni Dr. Edwin Chinel Monares nga naghinyo sila sang augmentation sang medical workers gikan sa mga district hospitals agud mabuligan ang mga nurses sa RMPH.
Apang ginklaro sang administrador nga bastante ang ila bed capacity sa nasambit nga ospital sa diin sarang sila maka-akomodar sang tobtob sa 70 ka mga COVID-19 patients nga makabig severe or critically ill.
Sa karon may 136 ka mga active cases ang probinsiya kag 37 diri ang yara sa RMPH.
Samtang indi pa makumpirma ni Monares kun matood ang report nga may duha ka mga consultant sang RMPH nga nagpositibo sa amo COVID-19 sa pihak nga nabakunahan na sila.
Nahibaluan nga nagabaton man sang COVID-19 patients ang pribado nga mga ospital.
