Nagakabalaka ang mga pamatan-on sa palaabuton nga social media ban sa Australia nga magasugod sa Disyembre 10, nga maga-deactivate sang masobra isa ka milyon nga account sang mga menor de edad sa nagkalain-lain nga mayor nga social media platforms.
Ang gobyerno nagatuyo sa pag-amlig sang mental wellbeing sang mga pamatan-on, apang ang iban nahadlok nga mas makahalit ini sangsa makabulig.
Suno sa mga pamatan-on sa pungsod, importante ang social media bilang isa ka luwas nga lugar kag isa ka paagi sa pagpangita sang komunidad, ilabi na para sa LGBTQIA+. Ginpahayag man nila nga nangin “lifeline” nila ang social media sa pagpakig-away sa bullying kag homophobia.
Base sa 2025 Headspace National Youth Mental Health Survey, 37% sang mga pamatan-on ang nagakabalaka sa isolation, samtang 35% ang nahadlok nga madula sa mga social trends.
Suno kay Nicola Palfrey sang Headspace, kinahanglan pa sang alternatibo nga paagi para sa mga pamatan-on nga maka-connect offline.
Nagakabalaka man sila sa tion sang implementasyon, nga nagadungan sa anom ka semana nga bakasyon sa tig-ilinit, kon ang mga pamatan-on may gamay nga pagpakig-angot sa ila mga abyan.
Apisar nga may yara sang pila ka mga pamatan-on nga maka-adjust sa pagbag-o, ginapahayag nga madamo sa gihapon ang posible maapektuhan sang mental health bangud sa limitado nga paggamit batuk sa pagdumili sang social media sa pungsod.
