ROXAS CITY, CAPIZ- Planado kag may basbas pa sang Presidente ang natabo nga pag-ilis sang House Speaker sa House of Representatives suno sa isa ka abogado.
Sa interview sang Bombo Radyo kay Attorney Joenar Pueblo, President sang Philippine Arbitration Center in the Visayas, iya ginpahayag nga kaangay may gamay pa man gali nga huya ang kamara sa desisyon sini nga pagpapanaog kay Leyte 1st District Representative Ferdinand Martin Romuladez.
Suno sa iya, ang sentro sang amo nga nga pagbag-o ang may kaangtanan sa korapsyon nga nagakahinabo partikular sa flood control, sa diin suno man sa iya, yara lang man sa Kongreso nagalibot ang amo nga problema sang pagpangkurakot.
Nahibaluan nga sa boto nga 253 natigayon nga nabutang sa pwesto bilang House Speaker si Isabela 6th District Representative Faustino “Bojie” Dy III. Nagaisahanon man ini nga nominee sa amo nga posisyon.
Pahayag pa sang natungdan, lauman nga ang tanan nga mandato sang Presidente ang mauna nga pagasundon sang bag-o nga House Speaker sa Kamara.
Interviewed by Bombo Francis Biñas
