ROXAS CITY – Matuod nga may nagluntad nga pag-lay off sang pila ka mga trabahante sa Roxas Memorial Provincial Hospital (RMPH), apang indi matuod ang alegasyon nga bangud wala ang mga ini nagboto kay outgoing Governor Esteban Evan Contreras sang nagtakup nga eleksyon.
Ini ang ginpahayag ni outgoing Governor Contreras, sang mainterview sang Bombo Radyo.
Suno diri, indi ini maka-intra sa pagdumala sang nasambit nga ospital bangud may yara man ini sang ginpahamtang chief of hospital kag yara ang administrador.
Nahibaluan lang sini nga bangud sa kakulangon sa pasuweldo, nadesisyunan sang RMPH management nga magpang-lay off sang workers.
Apang, nagapati ini nga sa bag-o nga administrasyon kun sa diin apinay ang gobernador kag mga katapo sang Sangguniang Panlalawigan, may posibilidad nga mangin mahupos na ang paghatag sang pondo para sa pasuweldo sa amu nga ospital.
