ROXAS CITY – Nakasandig sa Local Government Unit (LGU) ang pag-lockdown sa isa ka lugar.
Ini ang ginpahayag ni Dr. Marlyn Marlyn Convocar, Regional Director sang DOH-6 sang mainterview sang Bombo Radyo.
Apang suno kay Convocar nga dapat magpakig-angut ang LGU sa DOH agud may yara sila sang balasehan sa ila nangin deklarasyon.
Ginkumpirma man sang opisyal nga handa ang mga ospital pribado kag pampubliko nga facilidad sa Western Visayas partikular na ang isolation room sa pag-akomodar sa mga pasyente nga mangin positibo sila sa COVID-19.
Gintuad pa ni Dr. Convocar nga may yara na sa karon sang price control sa presyo sa mga hospital needs ukon ginagamit sa COVID-19.
Nagkasugot ang Department of Trade and Industry (DTI) kag Food and Drug Administration (FDA) nga dungan sila nga maga-monitor agud matsekyar ang supplies nga ginagamit sa COVID-19./
Mahimo nga magpangatubang sang sanction ang sin-o man nga madakpan nga nagapataas sang ila presyo kalakip ang mga online selling.
Samtang nagpanugyan ang opisyal sa publiko, labi na ang gikan sa Manila nga indi pagtaguon kun may nabatyagan sila nga flu like symptoms agud mabuligan sila kag mapreparar ang mga health facilities nga ila pagateniran.
Liwat man nga nagpahanumdum ang opisyal sa publiko nga magluwas sa social distancing, importante man ang personal hygiene kag kun mahimo indi pagtandugon ang nawong sang kamot, bangud mahimo nga isa ini ka pamaagi agud ma-transmit ang virus.
