ROXAS CITY – Nagdugay sang kapin isa ka bulan ang pag-monitor sa subject person nga tricycle driver sa Brgy. Libas, Roxas City antes dalayon nga ginkasa ang drug buybust operation.
Ini ang gintuad ni PDEA Capiz Provincial Officer Maria Melinda Panaguiton sang ma-interview sang Bombo Radyo.
Suno kay Panaguiton nga ginakabig High Value Individual ang subject person nga ginkilala kay Niño Corros.
Magluwas sini lakip man sa nadakpan sang mga otoridad amu ang runner ni Corros nga si Rodante Lucenio kag Jay-R Locaylocay sang Brgy. Baybay, Roxas City.
Narekober sa paghinakop sang mga nagkaladakpan ang siyam (9) tanan ka sachets sang suspected shabu nga may standard drug price nga P102,000, P500 nga marked money kag nanari-sari nga drug paraphernalia. Sa karon yara na ang nasambit nga mga nagkaladakpan sa kustodiya sang mga otoridad kag natalana nga pasakaan sang nagakaigo nga panumbungon.
