-- ADVERTISEMENT --
Nangin malinong kag matawhay ang pag-obserbar sang Semana Santa sa banwa sang Panay, Capiz.
Sa interview sang Bombo Radyo kay Police Captain Eric Deocampo, hepe sang Panay Police Station, iya ginpahayag nga nangin hugot ang pagbantay sang tanan nga mga katapo sa palibot sang mga simbahan, terminal kag pila ka mga tourist spot nga gindugukan sang mga tawo humalin sang Palm Sunday.
Suno kay Deocampo, wala man sang may nabalhag nga ano man nga sahi sang kriminalidad samtang ginapatigayon ang mga aktibidad sang simbahan.
Nagpasalamat man ang natungdan sa publiko sa kooperasyon kag pagsunod sa mga ginpagwa nga pagsulondan rason nga napabilin ang kalinong kag katawhay sang palibot.
