Gina-umpisahan na ang pag-redevelop sang libas fishing port agud nga mapa-umwad ang ekonomiya sang siyudad sang Roxas kag mapamanami kag mahatagan sang mga moderno nga pasilidad ang mga mangingisda sang siyudad
Sa interview sang bombo radyo kay Garret Ansel S. Baes, City Government Assistant Department Head, iya ginpahayag nga ongoing na ang construction sang mga pasilidad sa fishing port lakip na diri ang admin building, sewerage treatment plant, kag may ipatindog man nga bag-o nga trading hall kon sa diin may ari ini sang 2nd floor kag viewing area nga magahatag sang kahigayunan sa mga bisita nga makita ang palibot sang pantalan.
Pahayag pa niya, may ara sang gamay na pagka-delay sa pagconstruct sang nasambit nga fishing port kay dapat last year pa nga umpisahan ang pag-construct, apang, subong nga tuig nahatagan sang kahigayunan nga mapatigayon ang pagrehabilitate sang nasambit nga fishing port
Dugang pa sang natungdan, dako gid nga bagay ang pagpanami sang fishing port indi lang sa mga pumuluyo sang Barangay Libas kundi pati man sa iban nga mga tawo, ilabi na sa mga tawo nga nagasalig sa pangisdaan para sa ila pangabuhi-anan.
Sa karon, ginapangabay sang natungdan sa mga pumuluyo nga may ara sang gamay nga distraction kay ongoing pa ang construction sang Libas Fishing Port kag kooperasyon kag pag-intindi lang ang ila sini nga ginapangayo samtang nagapadayon ang pagcontruct sang nasambit nga proyekto.
