Ginkumpirma sang Department of the Interior and Local Government (DILG) nga ang plano ni Police Gen. Nicolas Torre III nga magpatigayon sang reshuffle sa hanay sang Philippine National Police (PNP) ang isa sa mga kabangdanan sa iya pagka-”relief” sa puwesto.
Suno kay Sec. Jonvic Remulla sang Department of the Interior and Local Government (DILG), ginmaduan sang National Police Commission (NAPOLCOM) si Torre nga bawion ang reassignment sang pila ka matag-as nga opisyal, lakip na si Police Lt. Gen. Jose Melencio Nartatez Jr.,ang ikaduha nga pinakamataas nga opisyal sang PNP nga ginpasaylo ni Torre sa Mindanao.
Sa opisyal nga pahayag sang Napolcom, ang ginpatigayon nga appointment ang wala nag-agi sa en banc approval sang komisyon nga may administrative power sa idalom sang Republic Act 6975 ukon DILG Act.
Ginlaragway pa ni Remulla ang desisyon nga pagabuslan si Torre ang isa ka mabudlay apang kinahanglan, kag ginhimo ini alang-alang sa ”national interest” sang pungsod.
Dugang pa sang opisyal nga nanindugan si President Ferdinand Marcos Jr. nga dapat mag-function ang ”security apparatus” nga yara sa idalom sang layi, kag respetuhon ang papel sang Napolcom.
