PONTEVEDRA, CAPIZ – Ginrekomenda sang Chief of the Regional Staff kag Deputy Regional Director for Operations sang Philippine National Police nga dagdagan sang administrative relief ukon i-relieve si Police Captain Mark Anthony Garcia, hepe sang Pontevedra Municipal Police Station.
Sa interview sang Bombo Radyo kay Police Brigadier General Randulf Tuaño, Director sang Police Regional Office (PRO) 6 , iya ginpahayag nga napaslawan nga magpatigayon sang ‘Oplan Bakal’ nga isa ka police operation sa mga establisimento, ilabi na sa mga bar ukon nightclub, sa diin nagasulod ang kapulisan nga wala gina-anunsyo kag nagapatigayon sang search sa armas nga mahimo yara sa customers ukon sa mga guests.
Suno kay Tuaño, nakadepende na kay Police Col. David Cachumbo Jr., Office in Charge sang Capiz Police Provincial Office, kun aprubahan ang amo nga rekomendasyon.
Nahibaluan nga ginluthang-patay si Police Captain Rian Ampoyos, myembro sang First Capiz Provincial Mobile Force Company sa isa ka KTV Bar sa Barangay Binuntucan, Pontevedra, Capiz.
Dugang pa sang natungdan, apisar nga lehitimo ang pagpakig-istorya sang tatlo ka mga pulis sa tag-iya sang KTV Bar nahanungod sa peace and order, nagakadapat nga ang nagpakigkita kag nagpakigsapol amo ang local police station ukon ang Pontevedra PNP.
