Nagapangabay ang Bayan Muna nga indi paghatagan sang special treatment si Vice President Sara Duterte sa pag-atubang sini sa kaso nga ginapasaka batok sa iya.
Sa interview sang Bombo Radyo kay Atty. Neri Colmenares, Chairman sang Bayan Muna, iya ginpahayag nga sa bisan ano nga kaso, kon magpyansa ang isa ka akusado, kabahin sa mga kinahanglanon ang pagkuha sang mugshot kag fingerprint.
Suno kay Colmenares, indi dapat hatagan sang espesyal nga pagtratar si VP Sara bangud lamang yara ini sa isa ka mataas nga posisyon sa gobyerno.
Pahayag pa niya, dapat mangin patas ang pagtratar sa tanan kag tratuhon si VP Sara bilang isa ka ordinaryo nga akusado nga nagapangatubang sang kaso.
Nahibaluan nga nagpadulong si VP Sara sa Quezon City Regional Trial Court agud magpyansa sang P300,000 sa kaso nga grave threats.
Dugang pa sang natungdan, dapat ipatuman ang mga nagakaigo nga proseso kag requirements sa kaso nga wala sang pagpalabi sa bisan kay sin-o nga personalidad.
