Indi maayo nga ideya para sa gobyerno nga i-take over ang operasyon sang mga oil companies sa pungsod apisar nga padayon nga nagataas ang presyo sang gatong tuga sang tension sa Middle East.
Ini ang ginpahayag sang Department of Energy.
Suno kay Energy Sec. Sharon Garin, ginatinguhaan sang ahensya nga makahatag sang madamo nga direktiba sa mga oil companies.
Pahayag niya, wala sang kapasidad ang gobyerno nga mag-take over sang mga oil companies ilabi na nga may yara sang 14,000 nga mga gas stations sa pungsod.
Ang nasambit nga negosyo suno kay Garin ang ginbuy-an na sang gobyerno.
Ginalantaw sang natungdan nga kun bag-uhon ang bilog nga ecosystem sa tunga sang problema, posible maglala pa ang sitwasyon sang Pilipinas bangud indi pa efficient kag mahimo magsirado pa ang iban nga gas stations sa rason nga indi masarangan sang gobyerno nga madumala ang madamo nga gasolinahan sa pungsod.
Dugang pa ni Sec. Garin, kun Department of Energy lang ang istoryahan, yara lang sa 1,000 ang ila mga empleyado.
Gin-athag sini nga mahimo lamang maka-regulate ang nasambit nga ahensya.
