ROXAS CITY – Daku nga bugal para sa pamunuan sang Barangay Balijuagan, sining syudad nga mangin Top 2 sa ginpatigayon nga Dungog sang Barangay Excellence Awards (EXCELL) sang DILG sa 2019 LGU Night kagab-I sa Dinggoy Roxas Civic Center.
Ginpahayag ni Kapitan Rey Afloro nga malipayon kag may bugal ini sa pagbaton sang amo nga pasidungog bangud deserving ang Barangay Balijuagan sa amo nga award matapos nga ginhimo man nila ang tanan agud malab-ot ang nasambit nga pwesto sa karon nga Barangay Excell awards.
Gani kasubong nga ginapaabot na sang opisyal nga sila ang mabutang sa amo nga pwesto, bangud sa ila collaborative effort kag suporta nga nakuha sa mga pumuluyo.
Suno pa kay Afloro nga may lima ka mga kategorya nga ginatsekyar nga natigayon nakumpleto sang barangay kalakip diri ang Good Governance, Administration, Social Governance, Economic Development kag Environmental Management.
Ginpanindugan pa sang punong barangay nga indi man mabudlay ang pag-comply sa mga dokumento, bangud yara na ini sa ila barangay.
Nahibaluan nga i-dugang sini ang nabaton nga incentive award nga P40,000 sa ila nga Christmas party agud mangin masadya ang tanan.
Indi malipod nga yara sa Top 6 sang nagligad nga Barangay Excell awards ang Barangay Balijuagan kag subong nga tuig nangin Top 2 na ang nasambit nga barangay.
