Ginadumilian na sumugod subong nga adlaw, Mayo 11 ang tanan nga sahi sang pagpangampanya sang tanan nga kandidato para sa eleksyon nga natalana buwas, Mayo 12, 2025.
Kadungan sini, ginapatuman ang nationwide liquor ban.
Gin-engganyo ni Comelec Chairman George Erwin Garcia ang mga kandidato nga umpisahan na ang pagkuha sang mga campaign materials, lakip na ang mga dalagko nga tarpulin, bangud ginakabig ini nga paglapas sa election rules.
Dugang pa nga ginhatagan pagtamod ni Garcia nga indi man sakop sang exemption sa campaign ban ang mga digital platforms.
Samtang, ginpahanumdom man sang poll body ang mga kandidato sa adlaw sang eleksyon nga likawan ang paglibot-libot pagkatapos sang pagboto, bangud mahimo ini makabig nga last-minute campaigning.
Ang midterm elections natalana para sa buwas, nga ang mga polling precincts magabukas sa alas 5 sang aga agud hatagan sang prayoridad ang mga tigulang, mga tawo nga may kasablagan, kag mga nagabusong nga rehistrado nga mga botante nga mahimo makaboto sing temprano tubtob alas 7 sang aga.
