Ginalauman nga magahinay ang pag-uswag sang ekonomiya sang Pilipinas sa ikaduha nga quarter sang 2026 bangud sa epekto sang mataas nga inflation kag iban pa nga mga pagpanghangkat sa ekonomiya, lakip na ang tensyon sa Middle East, suno sa University of Asia and the Pacific (UA&P).
Ginabulubanta sang UA&P nga ang gross domestic product (GDP) sang pungsod magatubo lamang sang 2.6% sa ikaduha nga quarter. Mas manubo ini kon ipaanggid sa 2.8% nga pag-uswag nga narekord sa una nga quarter sang tuig.
Lakip sa mga nakaapekto sa ekonomiya amo ang pagtaas sang presyo sang mga balaklon kag ang tensyon sa Middle East nga nagpataas sang presyo sang gatong.
Natalana naman nga ipagwa sang Philippine Statistics Authority (PSA) ang opisyal nga datasang GDP para sa ikaduha nga quarter sa Agosto 7.
