-- ADVERTISEMENT --
Nagapati ang Ilonggo human rights lawyer nga si Atty. Gilbert Andres nga indi maapektuhan ang kaso ni Former Presidente Rodrigo Duterte bisan pa nag-withdraw si Kaufman bilang legal counsel sini.
Sa interview sang Bombo Radyo kay Atty. Andres, iya ginpahayag nga padayon ang legal nga proseso kag indi mauntat ang kaso bangud lamang sa pag-atras sang isa ka abogado sa depensa.
Suno kay Atty. Andres, may yara man sang maga-ilis ukon magabulos nga abogado para sa anay Presidente.
Ginpahayag man sini nga nagapabilin ang paglaom sang mga biktima sang crimes against humanity nga magapadayon ang imbestigasyon kag proseso sang kaso agud mabatian kag mahatagan sang hustisya ang ila mga reklamo.
