PAGASA, nagapahanumdom sa publiko nga indi mag-hoard sang bottled water bangud sa El Niño

Nagpahanumdom ang Philippine Atmospheric, Geophysical and Astronomical Services Administration ukon PAGASA sa publiko nga indi mag-hoard ukon magtipon sang sobra nga bottled water bangud ginalauman nga magalawig ang El Niño nga ma-ekperyensyahan.

Suno sa PAGASA, importante nga magtipid sa tubig bangud mahimo magdugay ang tag-ilinit tubtob sa Marso ukon Hunyo sa masunod nga tuig.

Ginabisuhan naman ang publiko nga indi magtipon sang sobra nga bottled water agud indi maapektuhan ang suplay sini sa pungsod.

Samtang, nagpasalig ang Department of Trade and Industry ukon DTI nga bastante pa ang suplay sang bottled water sa mga grocery store.