Nagpaandam ang PAGASA nga posible magbaskog pa ang El Niño tubtob sa half quarter 2027.
Bangud sini, posible magtaas ang temperatura kag maganubo sa normal ang pag-ulan sa pila ka lugar sa Pilipinas.
Mahimo man ini magresulta sa dry spell kag kakulangan sa suplay sang tubig, nga makaapekto sa agrikultura.
Sa interview sang Bombo Radyo kay Jun Ezra Bulquerin, Chief Meteorological Officer kag Weather Specialist I sang PAGASA, iya ginpahayag nga dapat mangin handa ang publiko pinaagi sa pagtipon sang tubig kag pagkinot sa paggamit sini.
Ginaabisuhan man sang PAGASA ang publiko nga magpamati sa mga information drive sang gobyerno parte sa husto nga paggamit kag pagtipig sang tubig.
Ginklaro naman sang PAGASA nga bisan may El Niño, indi buot silingon nga indi na mag-ulan sa Pilipinas.
Mahimo sa gihapon makabaton sang mabaskog nga ulan bangud sang Habagat kag mga tropical cyclone.
