Para kay House Speaker Ferdinand Martin Romualdez, ang ₱29.00 Rice Program ni Pangulong Ferdinand “Bongbong” Marcos Jr., isa ka importante nga tikang agud masolusyunan ang kagutuman sa Pilipinas.
Ini ang nangin pahayag ni Romualdez kasunod sang pagsugod sang programa sa idalum sang Department of Agriculture (DA) kung sa diin mabakal ang ₱29.00 kada kilo ang bugas.
Kuwalipikado nga makaganar diri ang mga benepisaryo sang Pantawid Pamilyang Pilipino Program (4Ps), mga senior citizens, persons with disabilities (PWD) kag solo parents.
Bangud sini ngalaum si Romualdez nga ang trial sites nga 10 ka lugar sa Metro Manila kag Bulacan, madugangan pa sa mga masunod nga adlaw tubtob nga makaabot ini sa Visayas kag Mindanao agud mabulihan ang 6.9-M nga pamilya sa bilong nga pungsod.
Ang nasambit nga programa isa ka pamaagi sang gobyerno agud masolusyunan ang inflation kag masiguro ang seguridad sang pagkaon para sa mga Pilipino.
