Gin-anunsyo sang Department of Agriculture (DA) nga magasugod na sila sa pagbaligya sang barato nga bugas subong nga bulan sang Enero nga ginatawag nila nga ‘Sulit Rice’ kag ‘Nutri Rice’, bilang kabahin sang ila ‘Rice-for-all’ nga programa.
Tinutuyo sang DA nga mapanubo ang presyo sang bugas bilang sabat sa mga Pinoy nga matigdas sa presyo sang bugas.
Kun sa diin ang subong nga presyo sang well-milled rice ukon first-class rice sa mga kadiwa stores ang magalab-ot sa P40 kada kilo, target sang ahensya nga panubuan ini halin sa P38 pakadto sa P39 kada kilo.
Ang amo nga programa pagahiwaton sa bug-os nga Metro Manila sa pinili nga mga sentro sang kadiwa, mga merkado kag mga estasyon sang tren.
Samtang ginpasalig sang ahensiya nga ang ‘Rice-for-all’ nga programa magapadayon sa paghatag sang barato nga bugas kag supply sa pihak sang pamahog sang La Niña nga ginalauman nga mangin upang sa mga mangunguma sa first quarter sang tuig 2025.
