Ginkasa sang kilos-protesta sang grupo nga Bagong Alyansang Makabayan (Bayan) sa guha sang Department of Justice (DOJ).
Ini agud ipangabay sa DOJ partikular sa mga public prosecutors nga ibasura ang mga kaso nga ginpasaka kontra sa mga aktibista, human rights defenders, peace consultant kag mga opisyales kaupod ang mga miyembro sang militante nga grupo.
Dugang pa, luyag man nila nga ibasura ang Anti-Terorrism Act of 2020 ilabi na nga ginagamit ini sa indi tama ilabi na sa mga nagapaguha sang reklamo kontra sa gobyerno.
Nahibaluan na sa datos sang human rights group nga Karapatan, nasa 112 aktibista kag kagrupo nila ang ginkasuhan sa idalom sang nasambit nga layi nga kun sa diin 32 ang napriso kag 32 ang gintawag nga terorista.
Nagalaum man ini nga magasabat ang DOJ sa ila nga reklamo ilabi na wala sang kinaangtanan ang mga napriso nga mga indibidwal sa mga terorista.
Ang nasambit nga aktibidad sang grupo nga Bayan ang kadungan sang ika-apat ka tuig nga anibersaryo sang pagpatuman sang Anti-Terror Law.
