ROXAS CITY – Ginkumpirmar sang general manager sang Capiz Electric Cooperative ukon CAPELCO nga gin-extend sang talatapan ang pabayad sang monthly bill sang mga konsumidor para sa bulan sang Marso bangud sang coronavirus disease (COVID-19) pandemic.
Suno kay Engr. Edgar Diaz nga nagpapanaog sang memorandum ang Department of Energy ukon DOE sa mga electric generators kag distributors nga i-extend sang isa ka bulan ang pagbayad sang electric bill sang mga konsumidor bangud sa krisis nga ginapangatubang sa karon sang pungsod.
Suno kay Diaz nga ang may mga due-date sang bulan sang Marso ang mahimo pa mabayaran sini nga bulan sang Abril nga wala sang may nakaigo nga penalidad.
Apang gin-athag ni Diaz nga kung maglapaw na sa extension ang due-date kag wala pa mabayaran, mahimo na nga magbayad sang penalidad ang konsumidor.
Gin-athag man ni Diaz nga may mandu na ini nga suspendihon man ang pagpang-utod sang kuryente.
