ROXAS CITY – Aprubado sa sesyon sang Sangguniang Panlungsod ang pagbaylo sang pangalan sang Sitio Nipa, sa Barangay Culasi, sining syudad.
Ginpaboran sang mga miyembro sang city council ang request sang konseho sang Barangay Culasi nga bayluhan ang pangalan sang Sitio Nipa, sa Senator Jose Cortez Altavas.
Ginpresentar ni Liga ng mga Barangay President Roxas City chapter Virgilio ‘’Yoyo’’ Santos ang nasambit nga request sang barangay council sang Culasi sa mga kaupdanan sa Sangguniang Panlungsod sa diin matapos ang serye sang pagtuon, dalayon na ini nga gin-aprubahan sang konseho sang syudad.
Nahibaluan nga ginhimo ini nga tikang sang barangay council sang Barangay Culasi, bilang pagkilala sa tanan nga ginhatag nga bulig ni anay Senator Altavas sa amo nga doog.
