Makahatag sang bag-o nga perspektibo ang pagbaylo sang liderato sa Senado sa direksyon kag pagpatuman sang mga hagna para sa ikaayo sang mga Pilipino.
Sa interview sang Bombo Radyo kay Wennie Sancho, Convenor sang Peoples Coalition for Good Governance, iya ginpahayag nga madugay na nga ginahulat sang publiko ang mas klaro kag mas epektibo nga direksyon sa Senado, ilabi na sa mga importante nga legislative measures para sa pungsod.
Suno sa iya, ang amo nga mga pagbag-o sa liderato mahimo nga magdala sang bag-o nga pamaagi sa pagdumala kag mas episyente nga pagpatuman sang mga polisiya nga makabenepisyo sa mga Pilipino.
Nahibaluan nga pormal na nga nagpungko si Senator Sherwin Gatchalian bilang Senate President matapos ang pag-concede sa liderato ni Senator Alan Peter Cayetano.
Nagpahanumdom man ang natungdan nga magpabilin nga nagatutok sa interes sang publiko ang Senado kag sa pagpahimo kag pagpatuman sang mga hagna nga makapabakod sa governance kag serbisyo publiko.
