Nagresulta sa pagpangbuno ang pagbinaisay sang duha ka persona sa Brgy. Poblacion Ilaya, Dumarao Capiz.
Ang biktima amo si alyas Mark, samtang ang suspek naman amo si alyas Jun, nga lunsay mga residente sang nasambit nga lugar.
Sa interview sang Bombo Radyo, kay Police Lieutenant Russel Husmalaga, Officer in Charge sang Dumarao Municipal Police Station, iya ginpahayag nga indi pag-intindihanay ang rason sang pagpangbuno sang suspek sa biktima.
Nag-angkon naman sang minor nga pilas ang biktima kag suspek nga gilayon nga gindala sa ospital.
Sa subong, nadesisiyon ang magtimbang nga bahin nga istoryahan nalang kag indi na magpasaka sang kaso.
Nagpanawagan angang natungdan sa publiko nga likawan ang pagdala sang matalom nga mga bagay kag mas pilion nga mangin kalmado sa tion sang mainit nga diskusyon agud malikawan ang pareho nga insidente.
