Nangin organisado kag matawhay ang pagbukas sang klase sa syudad sang Roxas para sa School Year 2026–2027, base sa assessment sang Traffic Management Unit.
Sa interview sang Bombo Radyo kay Gonzalo Andrada, Head sang Traffic Management Unit sa Roxas City, iya ginpahayag nga nangin matawhay ang dalagan sang trapiko kag seguridad sa palibot sang mga eskwelahan sa syudad sa una nga adlaw sang klase.
Suno kay Andrada, nagpatigayon sang pre-emptive traffic planning kag deployment sang mga personnel sa mga critical nga lugar agud malikawan ang congestion kag masiguro ang kaluwasan sang mga estudyante, ginikanan, kag mga motorista.
Nagpasalamat man ang natungdan sa koordinasyon kag kooperasyon sang Roxas City Government, kapulisan, kag mga eskwelahan nga dako ang nabulig sa pagmintinar sang disiplina sa dalan kag sa husto nga pag-implementar sang traffic management measures.
