ROXAS CITY – Indi makabig nga isa ka pagpamahog ang pagsulod kag pagbyahe sang taxi sa Roxas City.
Sa interview sang Bombo Radyo kay Mr. Joseph Soberano tagpamaba sang RCTODA, ginpahayag sini nga wala sila nagapamalabag sa pagbyahe sang taxi bangud isa lamang ini ka pamatuod nga naga-umwad na ang syudad.
Suno kay Soberano, mas maayo ini bangud madamo na nga pilian ang mga pasahero kung sa diin nila sini luyag nga magsakay.
Isa sa makabig nila suno diri nga pagpamahog sa ila nga pagbyahe ang nagadinamo nga mga colurom kun sa diin naga-agaw sa ila sang pasahero.
Mahibaluan nga ang taxi ang nakarehistro sa idalum sang Land Transportation Franchising and Regulatory Board (LTFRB), rason nga dako ini nga palamangkutanon sa ila kun bala gintugutan ini sang city government sang Roxas City nga magbyahe sa lugar.
Tinutuyo sini agud mahibaluan ang legalidad sang ila nga pagbyahe bangud luyag lamang nila suno diri nga mangin patas.
Mensahe ni Soberano, apisar may kataason ang pamasahe sa taxi lantawon sa gihapon nila kung kutob sa diin ang ila masustenir nga magbyahe sa syudad.
