-- ADVERTISEMENT --
Wala na nagabaton sang bag-o nga aplikasyon ang Philippine Amusement and Gaming Corporation ukon PAGCOR nagikan sa internet gaming licensees ukon IGLs matapos ipatuman ang total ban sa POGO.
Sa pagsugod sang joint public hearing sang ginhimu nga Quad Committee sa Bacolor, Pampanga , gin-usisa ni SAGIP Party-list Representative Rodante Marcoleta kun natuman na sang PAGCOR ang direktiba ni Presidente Bongbong Marcos sadtong ikatatlo nga State of the Nation Address.
Suno kay PAGCOR Vice President for Offshore Gaming and Licensing Department Atty. Jessa Fernandez, gin-untat na nila ang pagproseso sang applications kag dugang nga sites kag nagsugod na man ang implementasyon sang hiring ban.
