Nagdasig ang pagdabong sang Philippine manufacturing sang Mayo, suno sa Philippine Statistics Authority (PSA).
Sa preliminary results sang Monthly Integrated Survey of Selected Industries nga ginpaguwa sini nga Martes, ang value of production index (VaPI) ang nagtaas sang 4.5 percent sadtong Mayo halin 4.3 percent expansion nga na-record sadtong Abril.
Ang pagdabong sang value of production index sa nasambit nga bulan ang nagtaas man halin 3.3 percent sadtong Mayo sang nakaligad nga tuig.
Ang mas mahinay nga pagnubo sa manufacture sang chemicals and chemical products sa 13 percent halin sa 23.3 percent nga pagnubo sa una nga bulan ang nag-amot man sa mas madasig nga pagtaas sa value of production index sadtong Mayo.
Samtang, ang volume of production index (VoPI) ang nagdasig man ang pagdabong sa 4.9 percent halin 4.3 percent sadtong Abril subong nga tuig kag 4.2 percent sadtong Mayo 2024.
Ginpahayag sang PSA nga ang pagdasig sa pagdabong sang value of production index ang bangud sa mas madasig nga pagtaas sa manufacture sang food products kag transport equipment, kag sa mas mahinay nga pagnubo sang chemicals kag chemical products.
Base sa mga nag-response nga establisimiyento, ang average capacity utilization rate para sa manufacturing section ang yara sa 76.9 percent, nagtaas halin 76.7 percent sadtong Mayo.
Ang top three industry divisions pag-abot sa gin-report nga capacity utilization rate amo ang manufacture of other non-metallic mineral products sa 86.4 percent, manufacture of tobacco products sa 83.9 percent, kag manufacture of leather and related products, kalakip ang footwear sa 82.7 percent.
