Ginalauman ni DILG Secretary Juanito Victor “Jonvic” Remulla nga ang pagkadakop sa anay Ako Bicol Representative nga si Zaldy Co makahatag sang kamatuoran sa likod sang ginahingadlan nga flood control anomalies.
Suno sa iya, ang pagdakop kay Co isa pa lamang ka bahin sang mas daku nga imbestigasyon may kaangtanan sa mga iregularidad sa mga proyekto sang flood control program.
Dugang pa niya, ini nga tikang amu ang magabulig agud makumpleto ang mga bahin sang kamatuoran kag makilala ang mga daku nga personalidad nga yara sa likod sang sini nga isyu.
Samtang, nagpaandam man si Remulla sa iban pa nga mga indibidwal nga posible may kahilabtanan sa anomalya, nga indi sila maprotektahan sang ila kwarta kun padayon ang determinasyon sang mga otoridad nga sila pangitaon kag pagadakpon.
