Pagdugang sa sweldo sang mga kabulig sa Western Visayas ginpatuman na

ROXAS CITY – Ginpatuman na ang pagpataas sang sweldo sang mga kabulig sa Western Visayas.
Ini matapos naaprubahan sang Regional Tripartite Wages and Productivity Board (RTWPB), ang pagpataas sa P3,500 sa bulanan nga pasweldo sa mga kabulig sa Rehiyon Sais.
Sa interview kay Atty. Johnson Cañete, regional director sang Department of Labor and Employment (DOLE) – Region 6, Disyembre 8, 2017 ang pagpatuman sang pagpataas sang sweldo sang mga kabulig sa rehiyon matapos ang pagpatigayon sang asud-asod nga public hearings angut sa ginaduso nga laye.
Kaangot sini, ginpasiguro man ni Cañete nga ila igamonitor kun ginasunod sang mga employers ang husto nga pagpasweldo sa mga kabulig.
Nagpanugyan man si Cañete sa mga kabulig nga gilayon magdangop sa ahensiya pananglitan wala ginasunod sang ila nga employer ang husto nga pasweldo sa ila.