Ginaduso ni Akbayan Representative Percival Cendaña, ang pagdumili sa pagreserba ukon pag-okupa sa pampubliko nga parking space agud indi makaparada ang iban nga salakyan.
Nangin kaungdan ini sa ginaduso ni Cendaña na House Bill 11076 ukon Mindful Parking Act nga may tinutuyo matuldukan ang nakaangdan nga diskarte nga pagreserba sang parking space pinaagi sa “physical occupation” sang isa ka indibidwal.
Ginduso ni Cendaña ang hagna kadungan sang nag-viral nga tensyon kung sa diin indi luyag sang babaye nga hatagan sang lugar ang iban nga salakyan agud magparking bangud ginapahayag nga nakareserba na ini sa ila salakyan.
Pahayag ni Cendaña, ang nasambit nga hilimuon indi pagpalapas sa kurtesiya kag polisya sang “first come, first served basis” apang delikado para mismo sa mga indibidwal nga ginagamit ang kaugalingon agud maka-reserba sang parking sa mga lugar.
Kaangut sini ginamanduan sang nasambit nga hagna ang mga pribado nga establisimyento nga magplastar sang kaugalingon nga pagsulundan kag nagakaigo nga penalidad sa mga kasubong sini nga buluhaton.
