“Use if for the purpose of rendering medical services” ini ang mga tinaga nga ginbuhian ni Governor Fredenil H. Castro sa ginhiwat nga blessing kag presentasyon sang Bagong Pilipinas Mobile Diagnostic Clinic subong nga adlaw, Agusto 16, sa kapitolyo probinsyal.
Pahayag ni Castro, wala dapat sang dala nga pamulitika ang paggamit sang mobile clinic kag para gid lamang ini sa serbisyo publiko, bangud isa ini sa kinahanglanon sang mga pumuluyo agud mapabilin nga maayo ang ikaayong lawas sang mga Capiznon.
Matandaan nga ang ginatuyo sang nasambit nga mobile clinic, amo ang malab-ot ang mga pumuluyo nga yara sa malayo nga bahin sang probinsya.
Yara man ang presensya sang mga opisyales sang Gobyerno Probinsyal sang Capiz kag iban pa nga mga personalidad nga nagikan sa mga natungdan nga mga ahensya sa nasambit nga kahiwatan.
