ROXAS CITY – Hugot nga ginadumilian sang Bureau Of Fire Protection – Roxas City ang paggamit sang improvised ‘boga’samtang nagahilapit ang Paskwa kag Bag-ong Tuig.
Sa interview sang Bombo Radyo kay Senior Fire Officer 2 Sussie Mae Magan,Sub-station Commander sang Culasi Fire Sub-station, iya ginpahayag nga tuman ka delikado sang paggamit sang boga bangud mahimo sini nga malukpan ang kamot ukon itsura ilabi na sang mga kabataan.
Suno kay Senior Fire Officer 2 Magan, mahimo man ini umpisahan sang sunog bangud kalabanan sang panimalay ang dikit-dikit kag himo sa light material nga madasig dakpon sang kalayo.
Pahayag pa niya, padayon ang ila pagpakig-angot sa barangay council kag yara na sa masobra 20 ka mga improvised boga ang nakumpiska.
Nagpahanumdom man ang natungdan nga kun may makit-an nga padayon sa paggamit sang ginadumilian nga boga, gilayon nga i-report sa barangay ukon otoridad agud nga matapna ang ila sala nga buluhaton.
Interviewed by: Bombo Sunnie Mae Batencila
