Posible nga isa ka ginapahayag pamaagi agud manamad sang pangalan sang mga nabiktima nga Punong Barangay sa syudad sang Roxas rason nga ginagamit ini agud mang-scam online.
Sa interview sang Bombo Radyo kay Punong Barangay Roberto Ross “Maaw” Roldan, Liga ng mga Barangay President sang syudad, ginpahayag sini nga posible isa ini ka pamaagi sang mga kontra partido agud samaron ang pangalan sang mga kapitan nga nabiktima bangud sa nagahilapit nga eleksyon.
Dugang pa sini, posible man nga indi lang pangalan sang mga kapitan ang gamiton sa nasambit nga hilikuton, kundi pati na ang iban pa nga mga opisyal.
Matandaan nga duha na ka mga punong barangay sa syudad ang nabiktima sang identity theft kag nagapangbiktima sa mga abyan kag himata pinaagi sa e-wallet transactions.
Panugyan ni Roldan sa mga pumuluyo, indi magsalig sa mga mensahe ilabi na kun may kaangatanan sa kwarta.
