Nagapati ang anay presidente sang persons with disability ukon PWD sa probinsya sang Capiz nga wala nagakatabo ang paggamit sang mga peke nga PWD Card para maka avail sand diskwento sa tagsa ka mag transak sa gobyermo kag pribado nga ahensya.
Sa interview sang Bombo Radyo kay Nitz Bucayan nga pag-abot sa pag-isyu sang mga ID kag pagpasa sang mga rekisitos para maisyuhan sini, istrikto ang DSWD kag dapat makumpleto ang mga dukumento.
Dugang pa ni Bucayan nga wala ini basta nalang ginahatag sa bisan sin-o nga gusto magkuha sang PWD card kag kinahanglan pa mag-agi sa insakto nga proseso.
Posible naman nga nagakatabo ini nga modus sa iban nga lugar kag malayo pa sa aton probinsya bangud maid-id kag istrikto ang DSWD sa pagtsekyar kun matuod gid man nga may sablag sa lawas ang naga-apply para sa amu nga ID.
Ginpahanumdom naman sini sa iban nga magbuhat sang amu nga tikang nga magapangatubang sila sang penalidad sa tion nga mapamatud-an nga nagagamit ang mga ini sang peke nga PWD card.
