ROXAS CITY – Ginsabat sang Market Administrator sang Teodoro Arcenas Trade Center nga si Mrs. Heloise Mendoza, ang isyu may kaangtanan sa pila ka mga vendors nga naghalalin sa merkado.
Sa interview sang Bombo Radyo kay Mendoza, ginpahayag sini nga bukas ang merkado kung sin-o man ang may luyag nga magbaligya apang bangud maayo man suno dir ang pagbaton sa mga vendors nga naghahalin kun tani naglesinsya ukon nagpahibalo man sa iya talatapan agud iya mahibaluan ang ila tagsa ka mga rason.
Suno diri nga ginarespeto niya kung anu man ang desisyon sang mga vendors nga gulpi lamang nagsaylo sang pwesto.
Pahayag sang administrador nga may plano na sini nila nga pangkakason ang mga sidewalk vendors sa syudad apang gin-una lamang nila ang Burgos Talipapa kung sa diin madamo nga mga manugbaligya ang nagaharang na sa dalan.
Bangud sini, nagahinyo si Mendoza sang kooperasyon kag bulig bangud tinutuyo lamang sini niya agud mapaayo ang merkado.
