Ang April Fools’ Day kada Abril 1 ang adlaw kun sa diin ginapaguwa sang kadam-an ang ila nga pagiging creative agud magpakadlaw ukon maglahog sa pamaagi nga makalilingaw.
Apang paano bala ini nagsugod kag sa diin bala ini naghalin?
Wala pa sang sigurado nga sabat ang mga historian. Apang isa ka teorya ang nagasiling nga sadtong una nga panahon, Abril 1 ang umpisa sang bag-ong tuig gamit ang Julian calendar nga gin-ubra ni Julius Caesar.
Sang ginpakilala ni Pope Gregory VIII ang Gregorian calendar, nasaylo ang bag-ong tuig sa Enero 1.
Ang mga naulihi ukon wala nakadungan sa amu nga pagbag-o ang ginbansagan nga “fools.”
Isa pa nga teorya ang nagikan sa libro nga “The Canterbury Tales” ni Geoffrey Chaucer sadtong 1392, kun sa diin ginhinambitan ang “March 32.”
Indi maathag ang kahulugan sini, gani ginakabig ini sang iban bilang lahog nga naghatag sang panugod sa tradisyon.
Apisar kun ano man ang ginsuguran, ang April Fools’ Day ang padayon nga nagahatag kasadya kag creativity sa una nga bahin sang ika-apat nga bulan.
Siguraduhon lang nga luwas kag masadya ang imo mga lahog!
Sa bahin naman sang mga otoridad, ginapahalong sang pulisya ang tanan bangud posible nga i-take advantage sang mga scammer ang April Fools Day fever.
Yari ang panugyan sang Anti-Cybercrime Group nahanungod sa mga insakto nga paghalong:
1. Indi gilayon magsalig sa mga email, text, ukon tawag nga may “too good to be true” nga ginatan-ay ukon urgent nga mensahe. Kinaandan nga ginagamit ini sang mga scammer agud makuha ang imo personal nga impormasyon.
2. Usisaon ang mga link kag attachment antes mag-click. Ang mga phishing email ang mahimo nga magguwa nga lehitimo apang nagaunod sang mapaniplang nga mga link.
3. Maghalong sa social media posts nga may sensational ukon emotional nga headlines. Mahimo isa ini ka clickbait nga nagaunod sang malware.
4. Indi maghatag sang sensitibo nga impormasyon kasubong sang password ukon credit card details sa mga indi kilala nga tawo ukon organisasyon.
