ROXAS CITY-Ginaduso sang Chairman sang Committee on Health and Sanitation sang Sangguniang Panlungsod nga multahan ang sin-o man nga madakpan nga wala nagasuksuk sang facemask sa siyudad.
Sa interview sang Bombo Radyo kay City Councilor Cesar Yap Jr., ginaduso sini ang ordinansa nga multahan sang P500 ang mga indibidal nga wala nagasuksok sang facemask sa first offense, P3,000 para sa Second Offense kag P5,000 para sa Third Offense.
Ini bangud ginpahayag sini nga indi epektibo ang nakaligad nga ordinansa nga kutob gid lamang sa pagpanita sa mga wala nagasuksuk sang facemask.
Dugang pa sini nga madamo sa gihapon nga mga residente ang wala nagsuksuk sang facemask sa publiko.
Dugang pa sini nga magapatigayon sila sang committee meeting sa maabo nga Martes nga adlaw agud mahinalaan ang dugang nga mga probisyon sa nasambit nga ordinansa.
Samtang, nagpanugyan naman si Yap sa publiko nga magsuksok permi sang facemask agud mahilway sa nasambitan nga virus.
Samtang, ginatun-an pa ni Yap ang pagduso sang ordinansa natuhoy sa pagsuksok sang faceshield sa pampubliko nga mga lugar
