Nakita sa pagtuon nga ang mga bata ilabi na ang mga lapsag nga ginapabay-an nga nagahibi antes pahipuson sang iloy ang nagatuga sang mas malawig nga pagtulog sang mga ini kag makapanubo sang tsansa nga masami nga pagbugtaw sa dis oras sang kagab-ihon.
Apang paano naman ang adults ukon may edad ang nagabatyag sang pagpangluya matapos ang paghibi?.
Nagapati ang mga eksperto nga ang paghibi ang makapoy kag mabug-at sa lawas bangud nagakuha ini sang madamo nga enerhiya.
Suno kay Lauren Bylsma, professor sa psychology sa University of Pittsburgh, ang nagadugang sa kakapoy sa tawo ang paghibi apang nakadepende kun ano ka dugay.
Nagasaka ang heart rate sang ttawo kun maghibi, kag nagahinay ang ila pagginhawa.
Kun masami nga nagahibi, mataas ang tsansa sa hyperventilation kun sa diin naganubo ang oxygen nga mabaton sang utok sang tawo gani nagalingin ang ulo sini kag ginatuyo.
Ang paghibi ang nagapagwa man sang endorphins kun sa diin natural pain killer sang atun lawas.
Ang paghibi man ang rason sang pagpagwa sang oxytocin ukon ang cuddle hormones.
Ini ang nagapakalma sa atun kag nagabulig nga makatulog kita.
Ang paghibi man ang nagapagwa sang mga toxins sa atun lawas kag hormones kaangay sang cortisol kag prolactin nga nagacontribute sa pagsaka sang stress level.
